నాకిది మామూలే..!!

తీగ తెగిన తేగల తెగింపులు
తెల్లారేదాకా తీరుబడిగా తీటతీర్చుకునే
తిక్క తోటల్లో తైతెక్కలాడుతున్నాయని
ఆ తిమ్మప్ప తిరగకుండానే తిన్నగా
తిట్టింతిట్టు తిట్టకుండా తిట్టి
నా బుర్రలో కాపురముంటున్న బుద్ది కి
అంకాస్త ప్యారా గడ్డి పారేసిపోయాడు..
పోనీలే.., ఇకనైనా కలనైనా కంచెదాటి
నా కలల స్థాయితోటి స్నేహం పోటీ పెట్టుకుంటుందని
తెలిసొచ్చింది.. అయినా యదవ బుద్దికి బుద్దెక్కడుందీ..?
మళ్ళీ మొదలులేని ఇక మరువలేని ఆ మట్టి బురదలోకి కాలుపెడుతూనే ఉంటుంది..
నాకిది మామూలే..!!
నమ్మినవాళ్ళే కదా మోసం చేయగలిగేది..!!
- సత్యం గడ్డమణుగు, 15-12-2015, 12:29am