నాకున్న 50-60 సం.ల జీవితంలో ఒడిదుడుకుల ఒత్తిళ్ళను బేరీజు వేసుకుంటూ ఒదిగిపోలేను.. నా చిట్టి రెక్కలతో ఈ అందమైన సృష్టిలో అనంత దూరాలకు పయనానికి సిద్దమవుతాను.. మద్యలో ఎగరలేక కిందపడినంత మాత్రాన నేను ఎగరలేననుకోవటమో, లేక నా లెక్క తప్పిందంటూ నీ అనుభవ పూరక ఆలోచనల ప్రణాలిక ను తోసిపుచ్చినందుకే ఇలా జరిగిందిలే అని లోలోపల నువ్వు వెక్కిరింతల గర్వపు ఆనందాన్ని పొందితే అది కేవలం కేవలం నీ అమాయకత్వమే అవుతుంది.కావచ్చు.. నేను నీ అంత సాధించకపోవచ్చు... నీకున్నంత అనుభవం నాకు లేకపోవచ్చు.. కానీ నేను ఇప్పుడు వేస్తున్న అడుగులన్నీ రేపు నా జీవితానుభవాలే అనే విషయాన్ని నీవు చూడలేకపోతున్నావు. సాధిస్తాను.. తప్పకుండా సాధిస్తాను.. ఆరోజున నేను చెప్పక్కర్లేదు.. నీవే తెలుసుకుంటావు నేను అన్న ఈ మాటలకి అర్దాలని..!
- సత్యం గడ్డమణుగు