నా ముక్కుమీద ఉన్న గాయానికి ఈరోజుతో సరిగ్గా 21 ఏళ్ళు నిండాయి.. సరిగ్గా 21ఏళ్ళ క్రితం అంటే 1993 జూన్ 1న, నేను అప్పుడు విజయవాడ దగ్గర కొండపల్లిలో మా అమ్ముమ్మ వాళ్ళింట్లొ ఆడుకుంటున్నాను.. మా నాన్న వొచ్చి ఒరెయ్ సుప్రీం నీకో తమ్ముడు పుట్టాడురా అని చెప్పగానే "హాయ్ నాకు తమ్ముడు పుట్టాడోచ్ అని పరిగెత్తుకెల్తుంటే నా అంత ఎత్తున్న గడప తగిలి ముక్కు పగలకొట్టుకున్నాను.." మొత్తానికి పుట్టాడో లేదో నా ముక్కుకి ఓ చిల్లి పెట్టేశాడు మా తమ్ముడు.. ఆ అతి చిన్న వయసులో (2సం.ల 4నెలలు) ఆరోజు నేను కింద పడుతుంటే మా నాన్న నన్ను పట్టుకోవటం, ఆసుపత్రికి వెళ్ళాక ముక్కు మీద కట్టుతో బెడ్ మీద ఉన్న అమ్మ దగ్గరకి వెళ్ళటం రెండు విషయాలు మాత్రం ఎలా గుర్తున్నాయో అలోచిస్తేనే ఆశ్చర్యం వేస్తుంది. తలచుకున్నప్పుడల్లా అద్దంలో నా ముక్కు చూసుకుని భలే నవ్వుకుంటాను.. ఇప్పటికీ ఆ గుర్తు చెరిగిపోలేదు మరి..! ఆ తర్వాత తర్వాత ఎన్నో కొట్లాటలు ఎన్నో బుజ్జాయింపులు.. ఇప్పటికీ.. !
ఐనా నాకు మా తమ్ముడంటే ప్రాణం.. -సత్యం జి, 01-06-2014, 09:56
ఐనా నాకు మా తమ్ముడంటే ప్రాణం.. -సత్యం జి, 01-06-2014, 09:56
కామెంట్‌లు లేవు:
కామెంట్‌ను పోస్ట్ చేయండి